อภิธัมมา-ปุคคลปัญญัตติ

รายละเอียด

หน้ารับธัมม์ปุคคลปัญญัตติ ผูก 4 แล ขอทุเจ้าภะนายตนใจไวพิจจรณาไพให้ถี่ๆ ข้าเขียนธัมม์ปุคคลปัญญัตติ ผูกถ้วน 4 นี้ เพื่อหื้อเปนถาวระกับสาสนาวัดน้ำชำที่นี้แล ตามเสี้ยงเช่นอายุลานเทอะ ฯ สระเด็จยามแตรขึ้นสู่เที่ยง จักดาบิดเบี่ยงขึ้นกินทอนข้าแล ข้าเขียนเมื่อปลีเมืองเหม้า จุฬสักกราชได้ 1289 ตัว เข้ามาในเดือน 12 แรม 7 ฅ่ำ ภ่ำว่าได้วัน 7 ไทยกาบยี รืกส์ได้ 6 ตัว ข้าเขียนธัมม์ผูกนี้ชื่อว่าปุคคลปัญญัตติ ผูกถ้วน 4 เพราะข้ามีฅวามเจดตปนิธาแท้ดีหลี ได้ริรังส้างเขียนธัมม์วันเกิดข้า ถ้าสิ้นซีบ ข้อขอไปบังเกิดในห้องปราสาทเลิสตุสิดา ข้าขอสมดั่งคำปากข้าปราถนานี้แด่เทอะ ฯ ข้าขอหื้อข้าได้ไพเถิงเวียงแก้ว ที่บ่รู้เถ้ารู้ตาย ขอเอานิพพานเจ้าเปนยอดแด่เทอะ ฯ สุทินฺนํ วตฺต เม ทานํ มคฺคผลทานํ นิพฺพานํ ปรมํ สุขํ ตัวข้าชื่อสามเณรคุณวิราโส เขียนปลางเมื่อข้าได้ปฏิบัตครูบาเจ้าเชยยเสนา วัดน้ำชำวันนั้นแลนา ฯ