พุทธคุณ

รายละเอียด

(1) สักราชได้ 1266 ตัว ปีกาบสี เดือน 11 ออก 10 ฅ่ำ พร่ำว่่าได้วัน 3 ฯ (2) สระเด็จแล้วยามกองแลง ตาวันตกต่ำ พระหน้อยพระน้อยเมือกินเข้าแลง สระเด็จแล้วยามตาวันแลงแก่ข้าแล ฯ ข้าขอสุข ๓ ประการ มีนิพพานเจ้าเป็นยอดแท้ดีหลี ธุวํ ธุวํ นิ(พพา)นํ ปรมํ สุขํ ฯ ข้าชื่อว่าพรหมจักก์สามเณร จุฬสักราชได้ 1266 ตัว ปีกาบสีแล ฯ สระเด็จแล้วเม็งวัน 1 ไทกดสี ข้าแล ปางเมื่อข้าได้ริรางส้างธัมม์พุทธคุณ ดวงถ้วน ๒ ข้าขอสุข ๓ ประการ มีนิพพานเจ้าเป็นยอดแด่เทอะ ฯ (3) หน้าธับปายพุทธคุณด้วงถ้วน ๓ ข้าแด่แลนายที่ไหว้เอย ตัวข้าเฝิกใหม่ บ่ได้แต้มสักผูกเทื่อแล พี่ทุพี่ภะตนใดได้เล่า ก็ผ่อหื้อถี่ๆ เนอ ไม้ดาบ่เปนตัวแล ข้าชื่อว่าสามเณร ข้าอยู่เมืองเธิงแลนายเหย ฯ..จุลสักกราชได้ 1266 ตัว ปีกาบสี เดือนยี่ ขึ้น 12 ฅ่ำ พร่ำว่าได้เมงวัน 6 ไทยเมิงเปล้า สระเด็จแล้วยามกินทอนข้าแล ฯ มังคลวุฑฒิคถา โชตก วรพุทธสาสนา สุปฏิปนฺตาทิคุณา โท อยํ อุปสมฺปทา อยํ จิณฺฑาสมเณร ลิกฺขิตฺต ตนผู้เดียวแล ขอจุ่งหื้อเปนปรมโมปักกตุอุปนิไส ปัจจัยค้ำชูวรพุทธสาสนาพระพุทธเจ้าเปนเคล้า ชื่อว่าสมเณรตนหน้อย ชื่อพระสุยา แลนายเหย ตัวข้าบ่งามสักหน้อย ตัวหน้อยก็เท่าตาไก่ ตัวใหย่... ข้าเขียนปางเมื่อมาอยู่ปฏิบัติธุเจ้าไชยยเสนา วัดน้ำชำ วันนั้นแล ฯ (4) พรหมเทพา ปางเมื่อยู่วัดน้ำชำ (5) พระสุยา (6) พันสองร้อย 6 สิบ 6 ตัว ปีกาบสี เข้ามาในเดือนเกียง ออก 2 ฅ่ำ วันอังคาร (7) แล้วยามแตรเที่ยงบิดเบี่ยงกินทอน ตัวข้าหน้อยชื่อว่าพระอริยะ ปางเมื่อปฏิบัติครูบาเจ้าไชยเสนา (9) จุฬสักราชได้ 1266 ตัว ปีกาบสี เดือน 1 ออก 9 ฅ่ำ พร่ำว่าได้วัน 3 ฯ (หน้าทับ) หน้าทับธัมม์เคล้าพุทธคุณดวงถ้วน 9 แล ข้าเขียนปลางเมื่ออยู่วัดน้ำชำแก้วกว้างนางเหลียวฅนผ่อ วันนั้นแล ฯ 3 เณรชื่อว่าภมมิน ฯ (10) 1266 ตัว ปีกาบสี เดือน 1 ขึ้น 5 ฅ่ำ วัน 2 ไทร้วงเหม้า ฯ พระโมะ

หมายเหตุ