จันทฟองสมุทท์

รายละเอียด

(1) สระเด็จแล้วยามแตรขึ้นสู่เที่ยงวัน ชะดาดีกินเข้าทอน สายมโนวอนก็จักเอาเข้าทอนเมือส่งท่งแล ฯ จุฬสนักกราชะได้ 1319 ตัว ภอสอ ๒๕๐๐ ตัว ปลีเมืองเร้า เดือน ๓ ลง 13 ฅ่ำ เมืองพร่ำว่าได้วัน 6 ไทยเมืองเหม้า รืกกฏ์ได้ 17 ตัวนี้แบ ฯ สมณสัทธาสวาธุเจ้าธอน วัดน้ำชำ ก็ได้เอาธัมม์จันทะฟองสมุทท์นี้มาขอหื้อข้าภะเจ้าหนานดวงตา สุยราช เขียนหื้อว่าอั้นแล ข้าภะเจ้าก็บ่ช่างละคำขอของธ่านแล แล้วก็ได้เขียนหื้อแท้แล เขียนได้ก็ทึงยากเตมธี เพราะว่าย่ามันตัวก็ทึงบ่ถูกไปนัก จำเปนได้ลัดเอาพอแรงแลท่านเหย (2) สระเด็จแล้วเมื่อฅืน เวลาเม้าบ่าวแอ่วหาสาวแถ่วริงรามแลนายเหย ฯ จุฬสักกราชะได้ “๑๓๑๙ (เลขไทย)” ตัว ภส “๒๕๐๐ (เลขไทย)” ตัว ปลีเมืองเร้า เดือน ๔ ขึ้น 3 ฅ่ำ พร่ำว่าได้เมงวันอังคาร ไทยร้วงเม็ด รืกฏ์ฺได้ 21 ตัวแล ปถมมุลลสัทธาหมายมี--------- บ้านน้ำชำ ก็ได้ส้างยังธัมม์จันทะฟองสมุทท์ ผูก ๒ นี้ มาถวายเปนทานไว้ค้ำชูโชฏกะวรพุทธสาสนาของพระตถาคตะเจ้า ตราบต่อเท้า ๕๐๐๐ พระวัสสาแล ฯ อิมินา ธมฺม สาสเนน อิมสฺมึ พุทฺธสาสเน นิพฺพานํ ปาปุยิมฺหิ อนุเวมา อุปฺปสคฺคา สเจ นิพฺพานํ นธิคเสยฺยํ ปญฺญาวสมึ วิสารโท สงฺสาเรนฺโต ปิสํ สาเร กุเร อุตฺตมเก อหํ ยทา อริยเมตฺเตยฺโย พุทฺโธ โหติ อนาคเต ปญฺญาว อิทฺธิสมฺปนฺโน ปาคโต อิว จนฺทิมา ธาเรยฺย ปิฏกตเย สาสนิยานิเกติ ฯ ดั่งนี้ ขออย่าได้คาดได้คลาแท้ดีหลีเทอะ ฯ หนานตา สุยราช เขียนที่สำนักบ้านม่วงเขียว หมู่ ๔ ต ป ร ว ด ฯ (3) สระเด็จแล้วยามเพิ่นกินเข้าแลง พ่อสีขาวซอนแดงก็ดีไปตีเข้าแลเจ้าเหย ฯ จุฬสักกราชะได้ 1319 ตัว ปลีเมืองเร้า เข้ามาในเดือน ๔ ขึ้น 8 ฅ่ำ พร่ำว่าได้เมงวันอาทิตย์ ไทยรวายไจ้ รืกฏ์ได้ 26 ตัวแล ฯ สมณสัทธาธ่านพระอินธอร วัดน้ำชำ ก็ได้ส้างยังธัมม์จันทะฟองสมุทท์กับนี้ มี ๓ ผูก กับกันแล เพื่อส้างไว้ค้ำพุทธสาสนาพระตถาคตะเจ้าคือว่าวัดน้ำชำแก้วกว้าง เปนที่ท่านอยู่ส้างยังโพธิสมพาร ขอเปนผลญาณอันยิ่งใหย่ ไว้ไต่ข้ามน้ำแม่สาครก่อนแล ฯ หนานตา สุยราช ป ม ข ย เขียนแล ฯ ตัวไม่โสภติเธ่าใด ค่อยเล่าไปเทอะ ฯ

หมายเหตุ