บัวรวงส์หงส์อามาตย์

รายละเอียด

(1) สระเด็จแล้วยามทูดช้าย บ่าย 2 โมง เปนบัวระวงส์ผูกต้นแล จุฬสักกราชะได้ 1321 ภอสอ “๒๕๐๒ (เลขไทย)” ตัว ปลีกัดไค้ เดือนเกียง ออก ๑ ฅ่ำ พร่ำว่าได้วเมงวัน 7 ไทกัดเม็ด รืกฏ์ได้ 1๓ ตัว ปถมมุลลสัทธาหมายมีพ่อทิพพ์ แลแม่ทา บ้านน้ำชำ ก็ได้ส้างยังธัมม์บัวรวงส์หงส์อามาตย์ผูกต้นนี้เพื่อจักถวายเปนทานไว้ค้ำชูพระพุทธสาสนาของพระตถาคตะเจ้า คือว่าวัดน้ำชำแก้วกว้าง ขอหื้อคำใฝ่อ้างธี่ได้ส้างธัมม์ทาน ขอไว้เปนญานอันหนาใหย่เอาไว้ขี่ไต่ข้ามน้ำแม่คงคา ขอสมดั่งคำปราถนาอันข้าได้ว่าไว้นี้ชู่ประการแท้ดีหลีเทอะ ฯ นิพฺพานํ ปรมํ สุกฺขํ ฯ ข้าภะเจ้าหนานตา สุยราช บ้านม่วงเขียว หมู่ ๔ คันไผบ่รู้ที่ก็หื้อไปถามหาเทอะเนอ เขียนตัวธัมม์ก็บ่ใคร่เสมอดี เพราะว่าตาก็บ่พอใคร่ดี แว่นก็บ่ใคร่จับดี ธัมม์นี้ย่ามันก็ทึงปุดขาดฅวามไปพร่อง ข้าเจ้าก็คะเนลัดใส่ไปพร่อง ก็กลัวบ่ดี ก็ขออโหสิกัมม์หื้อข้าพร่องเนอ ธ่านครูบาเจ้าที่สูงสุดเหย ในเวลานี้อายุสังขารก็ดูว่าเมินนานซะล่ำ พร่ำว่าได้ ๓ ซาว ปลายสีจัด ถี่แท้ก็ว่าได้ 60 ปลายบ่ดาย ฯ (3) สระเด็จแล้วยามบ่าย “๕ (เลขไทย)” มง คบกับวันธี่ “๒๗ (เลขไทย)” ปลีกล่าเหม้า เดือน “๕” เหนือ ขึ้น 1๓ ฅ่ำ เมงวันจันท์ ไทยรวายสง้า รืกส์ได้ 6 ตัวแล ฯ มุลลสัทธาหมายมีนายสีโนชา บ้านน้ำชำ ก็ได้ส้างธัมม์บัวรวงส์หงส์อามาตย์กับ ๑ มี “๕” ผูก ลุงหนานตา สุยราช เป็นผู้เขียนแล ฯ (4) สระเด็จแล้วยามกินเข้าแลงแล้ว ประหมาณ “๗” มงแล ฯ วันธี่ “๔” พระพุทธสักราช “๒๕๐๗” ปลีกล่าเหม้า เดือน “๕” เหนือ แรม “๕” ฅ่ำ พร่ำว่าได้เมงวันจันท์ ไทยกล่าเปล้า รืกส์ได้ 1๓ ตัว แล ปถมมุลลสัทธาหมายมีนายสีโนชา บ้านน้ำชำ หมู่ที่ “๖” ก็ได้ส้างธัมม์บัวรวงส์หงส์อามาตย์กับ ๑ รวมมี “๕” ผูกกับกันแล เพื่อมาถวายไว้ค้ำชูพุทธสาสนาพระสัพพัญญูเจ้าตราบต่อเท้า “๕๐๐๐” พระวัสสาแล ฯ นิพฺพานํ ปรมํ สุกฺขํ ธุวํ ธุวํ จิ่งแล ฯ ข้าภะเจ้าพ่อหนานตา สุยราช เปนผู้เขียนให้แล ขอฅวามสุขฅวามเจริญจุ่งมีแก่ข้าภะเจ้าด้วย สวัสดีครับครับ ครับ (สะหวัดดีฅับ ฅับ ฅับ)(5) สระเด็จแล้วยาม “๗” มงเช้าก่อนเข้างายแลภะนายเหย เปนวันธี่ “๑๖” มีนาฅม พระพุทธสักราช “๒๕๐๗” ปลีกล่าเหม้า เข้ามาในเดือน ๖ ขึ้น ๔ ฅ่ำ พร่ำว่าได้เมงวันอาทิตย์ ไทยรวายยี รืกส์ได้ “๒๖” ตัว แล ฯ ปถมมุลลสัทธานายสีโนชา บ้านน้ำชำ หมู่ที่ “๖” ตำบลร้องงัวแดง อำเภอสันกลำแพง จังหวัดเชียงใหม่ ก็ได้ส้างธัมม์บัวระวงส์หงส์อามาตย์กับ ๑ รอมมี “๕” ผูก กับกัน มาถวายเปนทานไว้ค้ำชูพุทธสาสนาพระตถาคตะตราบต่อเท้า ๕๐๐๐ พระวัสสาแล ฯ ประการ ๑ ก็ได้เอามาถวายเปนทานไว้กับวัดหลวงจะเริญธัมม์ที่นี้ แก้วกว้าง ขอหื้อสมใฝ่อ้างแห่งมโนหอรไธย กับขอหื้อเปนประจัยไปพายหน้า คือเมืองฟ้าแลเนรัพพานแท้ดีหลีเทอะ ฯ อหํ นามกร ปวรยอดส้อย ตัวข้าม่อนน้อยชื่อว่าหนานดวงตา สุยราช บ้านม่วงเขียว เปนผู้เขียนหื้อนายสีแล ฯ ขอฅวามสุขสวัสดีจุ่งมีแก่ข้าภะเจ้าทัง ๒ คือผู้ส้างแลผู้เขียน คือว่าขอมีธัมมวุฑฒิ ๔ ประการ มีประธานว่าอายุ วัณโณ สุข พละ ตราบกาลนานเธิญ สะหวัดดีฅับ ฅับ ฅับ ฯ

หมายเหตุ