ภวะทัง 3

รายละเอียด

(3) สระเด็จแล้วยามกองงายข้าแล ฯ จุฬสักกราชได้ 1282 ตัว ปีกดสัน เดือน 11 แรม 12 ค่ำ พร่ำว่าได้วันสุก ไทยร้วงเม็ด รืกกฏได้ 8 ตัวดีปลี ติถี 12 ตัวแล ฯ ข้าเขียนธัมม์ผูกนี้ไว้ค้ำชูพระพุทธสาสนา 5000 พระวัสสา ขอเอากุสลส่วนบุญค้ำชูตนตัวแห่งผู้ข้าพ่อแม่พี่น้อง ครูบาอาจารย์ชู่ผู้ชู่ฅนแด่เทอะ ฯ ข้อ ๓ ฯ เขียนตัวบ่เสมอกัน ตัวหน้อยก็หน้อยเท่าตาแมว ที่แภวก็แภวก็เท่าตาไก่ ที่ใหย่ก็ใหย่เท่าตาฅวาย เปนดีอายเพิ่นแท้แล ฯ ข้อ ๔ ฯ ขอที่ไหว้พิจจรณาเล่าไพภ่องเทอะ ย้อนข้าเขียนตัวใจก็บ่ตั้ง เพราะมีฅวามใคร่ไพแอ่ว เพราะฅวามโซเซไพ ย้อนว่าหันอิตถีนารีมาใกล้ ใจก็บ่ตั้ง มีฅวามสิเนหารักคระคร้อยเซิ่งนางน้อยหน้อยหมู่สาวจีเลางามก่อนแลนายเหย ฯ สบันงายมหลามปลายใบแป้ ขอพิจจรณาแท้จิ่มเทอะ ฯ ข้าเขียนส่อเหล้นหนี้หน้อย ขออย่าหื้อเปนบาปกัมม์ในธัมม์พระพุทธเจ้า ขอหื้อข้าอายุยืนเที่ยงเท้าร้อยซาวขวบเข้าตามเที่ยงทีฆาก่อนเทอะ ฯ